Moniepoint CEO, Tosin Eniolorunda don open up say e no easy again to find correct Nigerian workers wey fit match global level. According to am, dem bin take serious decision for 2024 say dem go dey employ only Nigerians, but by 2025, the plan no work as dem expect. E talk say na serious struggle dem face.
E come reveal say company get about 500 job openings, but to fill am don turn wahala. Even the few people wey dem see, e talk say dem no reach the quality and quantity wey the company need to compete worldwide. E still mention say dem biggest competitors dey come from China, so the pressure no be small.
This statement don cause heavy gbas gbos for social media, as many Nigerians no gree with am while others agree say the country education system and skill gap dey show clearly. The matter don open big discussion about how Nigeria fit step up to global standards.
We Chop Cane!” – Moniepoint CEO Regret After Dem Decide to Hire Only Nigerians
For one honest talk wey shock many people, Tosin Eniolorunda say the decision to focus only on Nigerian talent come back bite dem. E use the word “we chop cane” describe how tough things turn for the company after dem implement the policy.
E explain say no be only about finding workers, but finding people wey sabi work well and fit deliver at international level. According to am, the gap between what dem need and wetin dem dey see for ground too wide, and e dey affect how the company dey grow and compete.
Plenty Nigerians don react to the statement, some say na harsh truth, while others believe say companies suppose invest more in training instead of complaining. The conversation don shift to whether Nigerian companies dey do enough to develop talents or just dey expect ready-made professionals.
Education, Yahoo Culture & Brain Drain: Wetin Moniepoint CEO Blame for Talent Wahala
Tosin Eniolorunda no hold back as e begin point finger to wetin e believe say dey cause the talent problem for Nigeria. E blame the country education system, say e no dey produce people wey fit match global demand again like before.
E also talk about how social media trends, including Yahoo Yahoo and hookup culture, dey affect young people mindset. According to am, the way people dey reason these days no be like before, and e show for how dem approach work, learning, and career growth.
Even with all the criticism, e still get small hope. E say Nigerians still get potential, but the country need to invest well in human capital and change mentality. E also highlight brain drain as another major issue, as many of the best talents dey leave the country go abroad, leaving companies to struggle locally.
Table of Contents
Discover more from OGM News NG
Subscribe to get the latest posts sent to your email.
