Igbo Traditional Rulers Reject Obi of Lagos, Call Am Fake Coronation

Na gbege bust for South East as traditional rulers don para say some people dey coronate themselves as Eze Ndigbo or Obi of Igbo for outside Igboland. Recently, one self-acclaimed Obi of Lagos decide say na him go rule Ndi Igbo for Lagos. But chairman of Imo State Council of Traditional Rulers, Eze Emmanuel Okeke, no gree at all.

According to Okeke, the thing wey dey happen na big abomination for Igbo culture. He talk say Igbo tradition no allow anybody to carry Eze or Obi title for another man backyard. For him mouth: “Eze na our heritage. If dem wan lead Ndi Igbo for abroad, make dem call am Onye Ndu Ndi Igbo, not this fake Eze Ndigbo or Obi of Igbo wahala.”
Okeke warn say dis kain play dey reduce the respect and value of traditional institution. He come add am say only the ones wey their own community coronate officially inside Igboland fit carry the real Eze title. Any coronation for diaspora na fake — e no get traditional weight.

Traditional Rulers Wahala:Eze No Be ‘Abroad Position’

The matter no end for there. Former chairman of Abia State Council of Traditional Rulers, Eze Ndubuisi Nwabeke, also carry him own mic enter the gist. He tag the whole thing illegal and absurd, calling for total abolition.

According to am, “Eze no be something you go dey dash yourself for Abuja, Kaduna or Lagos. Eze must rule for inside Igbo land wey get boundary and tradition, not for another state where you just rent house.”
For Nwabeke eye, any “Eze Ndigbo in Lagos” na insult to the stool of real Igbo kings. He yarn say the wahala dey portray Ndi Igbo like people wey no respect their own tradition. Na why he dey beg make the whole system of “fake Eze abroad” just kpafuka disappear.

He remind everybody say the South East Council of Traditional Rulers don already advise Ndi Igbo wey dey live outside homeland to use Onye Ndu Ndigbo as title for their leaders. That one go still show respect without twisting culture.

Traditional Rulers Wahala:No Be Play Matter – Tradition Must Hold

Both Okeke and Nwabeke agree for one point: Igbo monarchy no be title wey person go just dey dash himself anyhow for another man land. To them, if you dey outside Igboland, the best title wey fit you na Onye Ndu Ndi Igbo — leader, not Eze.

The two monarchs drop strong warning say this kain practice dey shake the root of Igbo heritage. If e continue, e fit scatter the sanctity wey the institution dey carry. Dem no wan hear “Eze Ndigbo of Port Harcourt” or “Obi of Jos” again.

For their final words, dem beg Ndi Igbo everywhere to respect culture. To them, title na no be play. If you dey craze for crown, go back your community, let your people coronate you proper. If not, you fit just dey answer “community leader” make peace still reign.