For one mosque wey dey town, one bros just dey enjoy him sleep after prayers, no sabi say wahala dey near. As e dey dream sweet dream, one sharp Mallam don sight wetin e dey find—brand new iPhone 14 Pro Max wey dey shine for beside di man.
Mallam look left, look right, confirm say nobody dey watch, na so e waka gently, comot di phone like professional pickpocket. As e don get di phone, e bone like say nothing sup, waka comot for mosque dey plan next move.
Di owner of di phone no know say im village pipu don sign agreement with Mallam. Na when e wake up, stretch body, con find im phone na im e realize say e don enter one chance.
iPhone 14 Pro Max for ₦35K? Who Dey Buy That One?
As Mallam thief di phone, e begin find way to sell am quick-quick before yawa gas. But e no sabi market, because as di phone wey worth more than ₦1.5 million, na ₦35,000 e wan use sell am.
E carry di phone go one street corner wey dem dey buy and sell gadgets, talk say e wan run am for giveaway price. Di buyers shock say person fit sell correct iPhone 14 Pro Max for price wey no fit even buy small Tecno phone.
One of di buyers con reason say di phone don get as e be. E ask Mallam, “Oga, you sure say na your phone be dis?” But Mallam dey talk anyhow say e just wan sell am fast. Di buyers no gree, dem con use style run check di phone IMEI number online. Na so dem confirm say di phone na stolen property.
Mosque to Market to Police Station
Before Mallam fit japa, dem don hold am like gala for traffic. Wahala con start as pipu gather, dey ask how e take get di phone. Na so dem bundle am go police station make e explain di full gist.
Di police con trace di owner wey don almost give up say im phone don go forever. As dem return di iPhone give am, di bros happy say God don fight im battle. As for Mallam, im prayer na make dem no use am do example for others.
Table of Contents
Discover more from OGM News NG
Subscribe to get the latest posts sent to your email.
