Wetin be this? Tomato wey suppose enter pot don turn exhibit for crime scene.NDLEA Officers for Ondo Medium Security Custodial Centre, Akure, scatter plan of some smart-by-force smugglers wey think say prison gate be local market.
As dem dey do normal gate search, officers sight something wey no pure. Inside fresh tomato-tomato, dem discover about four grams of Indian h£mp, packaged like say na takeaway food. Na so tomato lose innocent status that day.
People wey come visit just dey look like “we no know anything,” but tomato talk truth sharp-sharp. This kain creativity no fit pass trained eyes, no matter how fresh the tomato be.
How NDLEA Take Enter the Matter
According to statement wey Chief Superintendent Oyewole Akinwumi drop on Wednesday, the dr¥g no just waka enter tomato anyhow. Dem wrap am well for water-tight nylon, meaning say plan serious and target na inmate wey dey inside already.
Once officers confirm wetin dem see, dem no waste time at all. Dem arrest the suspects immediately and hand dem over to NDLEA, as directive from Controller-General of Corrections, Sylvester Ndidi Nwakuche talk am.
From prison gate straight to NDLEA net—no long story, no shortcuts. Partners in crime just change location from “visitors’ side” to “suspects’ side.”
Correctional Service Drop Warning, Praise NDLEA Officers
Ondo State Controller of Corrections, CC Oyewole Charles (JP), no hide him joy as he praise officers for their sharp eyes and professional conduct. According to am, this kind alertness na wetin dey keep custodial centres secure and sane.
He talk say Nigerian Correctional Service no go tolerate any form of ill£gal substance tr+fficking—whether na inside tomato, bread, or pure water sachet. Prison no be warehouse for dr¥gs, and anybody wey try am go face law.
The Command still warn public and visitors make dem respect rules, because any attempt to compromise prison security go end in serious gbèsè. Similar case don happen before for Kano, and this Ondo own just confirm say correctional officers dey awake nationwide.
Table of Contents
Discover more from OGM News NG
Subscribe to get the latest posts sent to your email.
