Shameleon Palava:Na serious gbege land for Lagos today as police carry NURTW oga, Shamusideen Oladiti wey dem sabi as Shameleon, go Ebute-Meta Magistrate Court for Yaba. Police talk say di 55-year-old transport boss dey answer three strong charges — m¥rder, conspiracy and wahala of grievous harm.
According to wetin land for charge sheet, di gbege happen for Lagos Island between August 27 and September 17, 2025. Shameleon and im padi dem wey still dey waka free allegedly use blow and helmet take reset two men brain, Imam Ramon and Omale Samuel. Na so dem rush Ramon go hospital, but bros no survive di matter.
As court dey hear di case, prosecution no smile at all. Dem yarn say di action of Shameleon clear violate sections 223, 411 and 245 of Lagos Criminal Law 2015. Abeg, na code wey no dey smile with anybody.
From Scratch to Wahala: How Small Palava Turn Big Case
Na from small scratch matter this whole gbege start. Dem talk say di dispatch rider mistakenly scratch Shameleon motor for Tapa Street, Lagos Island. Instead of make e end with “sorry oga,” na so blow and helmet rain begin fall. Witnesses even talk say di beating no be here — na proper “World Heavyweight Championship” on top ordinary street.
The poor rider collapse after di heavy gbas gbos. Dem rush am go Lagos Island General Hospital, but as body no gree recover, life waka comot from am. People for area still dey shock how simple scratch turn to obituary matter.
Na so police land for scene, gather gist from eyewitnesses and carry Shameleon go face court. If you think say transport park dey hot, see as di case don carry di oga reach where gavel dey knock.
Shameleon Say “No Be Me!” as Magistrate Drop Remand Order
When dem read di charges give am, Shameleon sharply talk say “Not guilty.” Na di normal line wey lawyers sabi, but Magistrate no even wan hear am like that. She order say make dem remand di man until Director of Public Prosecutions (DPP) give better advice on how di case go waka.
For now, Shameleon go dey chill for inside cell while lawyers dey polish grammar for front. Street dey talk say this case go long wella, because na transport union big man dey inside. But one thing dey sure — Lagos police no dey play when matter don turn m¥rder level.
As Nigerians dey follow di gist, many dey ask one question: how dispatch rider scratch fit turn to gbege wey carry person life? Na lesson for everybody say small wahala fit grow pass control if temper dey high.
Table of Contents
Discover more from OGM News NG
Subscribe to get the latest posts sent to your email.
