Wahala burst for Santa Barbara County, California, as US authorities arrest one 61-year-old Nigerian man, Kayode Agbolade Ogunba, over serious allegation of s*xually ab¥sing people wey him suppose dey care for inside nursing home. Na work wey suppose be help turn to big disgrace, as case don shake both America and Nigeria side.
According to police report, Ogunba dey work as certified nursing assistant for one nursing facility for Goleta area. Na November 2025 matter take start when management of the home report say two patients don suffer s*xual ass+ult while dem dey under him watch. From there, police no dull—dem enter full investigation mode sharp sharp.
Police Dig Am Well, Old Record Begin Show
As investigators dey dig ground, dem discover say Ogunba name don show before for similar allegation for Los Angeles area. E come be like say this no be first rodeo, as police talk say the man don also work for other states like Washington and Texas. Meaning say na plenty ground him don waka.
Sheriff people even add say the suspect dey sometimes answer “Kay” for work or personal level, so dem advise anybody wey get information make e no keep quiet. As dem dey talk am for street—“if you see something, talk something.”
Arrest, Charges & Where Ogunba Dey Now
After weeks of investigation, police finally catch Ogunba for January 20, 2026, for Los Angeles, based on Santa Barbara County warrant. As e stand now, the man face plenty heavy charges, including felony sxual pene+ration, lewd acts by caregiver using force, elder ab¥se, plus one misdemeanor count of sxual b@ttery of dependent adult.
Presently, Ogunba dey held for Santa Barbara County Main Jail, and court don fix him bail for $100,000. Authorities still dey ask anybody wey fit get relevant information to come forward, as case still dey hot and investigation never fully close.
Table of Contents
Discover more from OGM News NG
Subscribe to get the latest posts sent to your email.
