Pastor Enoch Adeboye, the big oga for Redeemed Christian Church of God (RCCG), don come clear air say him no get hand for the re-arrest of TikTok celebrity Olumide Ogunsanwo aka SeaKing. Dem catch SeaKing again for allegedly dragging Pastor Adeboye online.
During RCCG’s Holy Ghost Service for Redemption City, Ogun State, Pastor Adeboye talk say some pipu vex say SeaKing run him mouth anyhow, na hin dem decide to carry am go station. “Me wey no even sabi the boy face, na me dem say send police? Abeg, free my name from this arrest palava,” Adeboye sharply talk.
Him come use style beg make dem release the guy since e just dey fulfill prophecy wey talk say pipu go yab pastors.
I Just Talk Say Make Pipu Fast, Na Wetin I Do?” – Adeboye
Pastor Adeboye talk say na the fasting matter cause the dragging. Him only tell RCCG members make dem fast for 100 days. “Abeg, I no beg outsider to fast o. If you no be RCCG member, carry your spoon dey chop in peace!” Adeboye yarn with humor.
The man of God talk say fasting no be by force. “If you no wan fast, na your cup of tea. But e come shock me say SeaKing vex as if na him I drag go mountain for fasting!”
The congregation burst laugh as Adeboye drop the joke. But even with the laugh, Adeboye still dey beg for SeaKing release.
Release SeaKing, Na Prophecy E Fulfill” – Adeboye
Pastor Adeboye show him papa love as he beg make dem free SeaKing. “Abeg release am. Him just dey fulfill prophecy. Jesus talk say dem go yab us, and SeaKing just do hin part,” Adeboye talk with small smile.
He use the matter warn pipu say dragging pastor online no go give dem breakthrough. “If you still wan yab me, na you and God matter be that o,” him conclude as congregation laugh.
SeaKing matter don turn big wahala, but Pastor Adeboye don drop correct wisdom. How the story go end? Na only God sabi.
Table of Contents
Discover more from OGM News NG
Subscribe to get the latest posts sent to your email.
