Open Well Wahala: Woman Fall Enter 170-Foot Well for Construction Site – Firefighters Recover Body After Days of Serious Struggle

Open Well Wahala: Na real-life gbege wey shelle for Ijegun area of Lagos on as one woman mistakenly fall enter one 170-foot well for one construction site. The well no be ordinary gutter o – e be like underground express way! The matter happen for Abuba Anthony Street, near Obalagbe Bus Stop, close to Fadeko Hotel, just as Lagos dey prepare for evening cool breeze.

Eyewitnesses talk say dem hear person shout, then silence. Na so dem raise alarm call Lagos State Fire and Rescue Service sharp-sharp. The open well dey front of one one-storey building wey still dey under construction – and guess wetin? The place no get any sign or cover to stop person from falling inside. As e be so, na trap dem set without even knowing.

Open Well Wahala:”Rescue Turn Marathon – Firefighters, Police, SEHMU All Join Body”

According to the Fire Service Senior Public Affairs Officer, Maria Fadairo, the rescue no be beans. Firefighters from Ejigbo Station rush enter the scene that night, but the matter no quick end. The well deep like say dem dey find crude oil! So, dem call for backup from other agencies to form strong rescue team.

The search and rescue mission last 10 days! – na real teamwork wey involve Fire Service, Police, SEHMU, and Lagos State Ambulance Service. After all the sweat, dem finally recover the woman’s body. Sadly, she don kpai. The body was handed over to the health officials and police wey observe everything like say na movie script.

Open Well Wahala: “Fire Service Para – ‘Cover Ya Well Before Person Use Am Go Heaven!’”

Director of Lagos State Fire Service, Madam Margaret Adeseye, no happy at all with the open well Wahala . She send condolence give the family but also knock the builders for being careless. According to her, say make we no dey joke with open wells or dangerous construction hazards. She talk say, “170-foot uncovered well? Na public danger be that, no be construction!”

As e be now, the Lagos State CID for Panti don carry the matter go investigate further. Nigerians don begin ask questions – who own the building? Why the well no cover? Who suppose supervise am? For Lagos wey everything dey happen, this kain careless gbege no suppose repeat itself again.