Wahala be like bicycle,Nigeria don officially carry last for global life expectancy as di United Nations drop new report update. According to di World Population Prospects 2025, average lifespan for Naija no pass 54.9 years, meaning say many Nigerians no dey reach old age before “curtain close.”
For di breakdown, Nigerian men dey live around 54.3 years, while women dey manage add small extra month join. Di ranking put us behind Chad, South Sudan, and Central African Republic. Na big global alarm as 22 of di 25 countries with lowest life expectancy come from Sub-Saharan Africa. Omo, na who curse us like this?
Experts say di matter no be joke — dem point say di report show serious health crisis wey need quick government action before e go too late.
Nigeria Poor Healthcare and Sickness Dey Cut Nigerians Life Short — WHO Explain Why We Dey Die Young
According to health experts and World Health Organisation (WHO), di main wahala behind low lifespan na poor access to healthcare, high rate of mama and pikin death, and insecurity wey no let people rest. Na serious gbege because sickness like cancer, diabetes, hypertension, and even mental health stress don turn regular visitor for plenty homes.
Dr. Raymond Kuti, one medical expert, no gree totally with UN figures. “Dem report dey always use faulty method. Naija lifespan no low reach that level,” he talk. But he still admit say better data collection and local health survey fit give clearer picture of how Naija truly dey live and die.
Meanwhile, The Federal Ministry of Health don promise reform and more investment for hospital and community health centres — but as Naija people dey talk, “promise no be progress.”
How Naija Fit Improve Life Expectancy — Experts Give Hope and Advice
Even with di bad ranking, experts still believe say hope still dey. According to international organisations, Nigeria fit climb up from bottom if government go invest well for healthcare, clean water, sanitation, and nutrition. Because person wey chop well, rest well and live for clean area no go die quick.
If dem fit build hospitals wey go function, pay doctors well, and make treatment affordable, Nigerians fit enjoy longer life expectancy like other countries. Nigerians no dey carry last for hustle, so why we go carry last for lifespan?
Till e better, my people, make we dey take care of ourselves small small — eat well, no let traffic or stress raise your BP, and avoid unnecessary wahala. Life still sweet if you dey alive to enjoy am!
Table of Contents
Discover more from OGM News NG
Subscribe to get the latest posts sent to your email.
