MTN Don Enter One Chance! Polytechnic Students Para Over Tariff Hike—Gbas Gbos Fit Shut Down Everywhere

MTN Don Enter One Chance| Wahala don dey cook as Nigerian Polytechnic Students (NAPS) don para for MTN over di recent tariff hike. Dem don give di telecom giant just 10 days to adjust di price or face nationwide protest wey go loud pass concert.

According to di students, MTN no try at all. “How person go manage buy data chop, pay school fees, and still survive for this economy?” one student talk. Dem say di increase don make life hard for students wey dey depend on cheap data to do research and assignment.

Di students no just dey make mouth. Dem don give MTN serious warning say if dem no reduce di price, di kind protest wey go happen go shock everybody. “No be only politicians sabi block road, we sef go show dem levels!”

Protest Alert: Students Ready to Scatter Everywhere

MTN Don Enter One Chance| If MTN no change mind, e be like say wahala fit burst nationwide. NAPS don talk say dem no go just sit down look as students dey suffer. Dem don already arrange beta gbas gbos strategy wey fit involve blocking MTN offices and stopping their operations.

One student wey vex talk say, “If MTN no fear us, make dem wait see wetin go happen after 10 days. We no dey play!” Some students even dey plan to port go another network just to show say dem no be mumu customers.

Meanwhile, pipu wey dey social media don dey react. Some dey support di students, say di tariff hike no make sense, while others dey wonder whether MTN go shake or dem go stand gidigba like rock.

MTN Don Enter One Chance| MTN Go Talk or Dem Go Ignore

MTN Don Enter One Chance| As di deadline dey near, everybody dey watch MTN to see wetin dem go talk. Dem go apologize and reverse di price or dem go form boss, dey look? Na di big question wey dey ground now.

Some pipu dey reason say maybe na government go need intervene before di matter cast. Others dey talk say di protest go teach MTN lesson say students no be pushovers. “If dem no wan make polytechnic students turn their HQ to protest ground, make dem wise up sharp sharp!”

For now, MTN never talk anything serious, but as e be so, di gbas gbos fit happen any moment. MTN, una go adjust or make di wahala start? Nigerians dey wait!