Many Maga Nigerians (Make America Great Again supporters) don dey see say di man wey dem dey follow no really get dem for mind. Everybody don deh shocked say Donald Trump put him siginature on top paper weh remove birthright citizenship. Dis one mean say if foreigner born pikin for America, di pikin no go fit carry Americana badge unless di papa or mama don already wear di Americana jersey demsef! Dis na rude awakening for people wey don dey believe say Trump go fight for dem or help make life better for dem.
Trump Agenda No Deh Help Legal or Illegal or Any Immigrant; Maga Nigerians Join
Di matter no just be weda di law deh legit, but di fact say Trump even think of di idea to remove birthright citizenship don make some Maga Nigerians wey dey support am begin change mind. Dem dey see say di plan fit affect plenty people life, including dem own families for America.
Immigration Experts: Di Fight No Go Easy for Trump
Experts don talk say even if Trump wan end birthright citizenship, e no go easy. To change di law, e go need di Supreme Court or di U.S. Congress, and di process no be small thing. Some lawyers don already dey prepare to challenge any move wey Trump make on top dis matter.
For now, di wahala don expose di gap between wetin Trump dey talk and wetin Nigerians wey dey support am dey expect. E don make many people dey ask di big question: “Dis Trump wey we dey follow, e really dey fight for us?
Table of Contents
Discover more from OGM News NG
Subscribe to get the latest posts sent to your email.
