Kano Hisbah Arrest 9 Muslims for Eating in Public on First Day of Ramadan

Wahala burst for Kano as Kano Hisbah Board carry nine Muslims go station for allegedly eating food for public on the first day of Ramadan. According to report, the people dem no even hide am – dem dey chop jejely for broad daylight when officers sight dem.

Ramadan na serious spiritual season for Muslims, wey require fasting from sunrise to sunset. So as people dey hold hunger for God matter, seeing person dey munch rice or suya for afternoon fit cause gbege. Na so the arrest take happen sharp sharp.

Eyewitness talk say the matter shock many pass NEPA taking light. Some residents support the action, while others just dey observe like say na film dem dey watch.

Kano Hisbah Deputy Commander Talk Say Dem Go “Re-Educate” Dem

The Deputy Commander of Kano Hisbah, Mujahid Aminudeen, confirm the arrest inside official statement. According to am, the suspects include two women and seven men, and dem arrest dem on Wednesday, February 18, 2026.

He explain say the arrest happen after officers see the suspects dey chop food openly, wey go against fasting rules for the holy month. According to am, na enforcement of religious discipline dem dey do, no be personal fight.

In him words, the suspects dey with dem and dem go teach dem the importance of fasting, prayer, and how to read Qur’an well-well. Whether na lecture or serious correction, na only time go tell.

Release Date Still Dey Unknown as Debate Don Start

One thing wey people dey ask now be: how long dem go hold the suspects? The Deputy Commander for Kano Hisbah no drop any hint about when dem go release dem. That one don make some people begin reason the matter from different angles.

For some residents, Ramadan na sacred period wey deserve full respect. But others dey whisper say make enforcement still carry small understanding, especially if person get health or personal reasons.

As the gist dey hot, Kano residents dey watch how the matter go end. One thing sure – for this Ramadan season, if you no dey fast, better make you no dey chew gum for roadside. Kano street no be playground during fasting period!