Kaduna Don Turn War Zone: B@ndits Storm Karku Midnight, K+ll 3, Carry Priest Go

Na serious gbege residents of Karku community for Kauru LGA, Kaduna State see for early Saturday morning as suspected b@ndits storm the area like say dem get invitation. Around 3:20am, when most people dey sleep tight, the g+nmen burst enter with better coordination, scatter everywhere and turn peaceful community to horror zone.

People wey witness the incident talk say the way the attackers move show say dem no be small boys. Na full operation, no random waka. By the time villagers fit gather themselves, the damage don already happen and fear don take over the whole area.

This kain early-morning visit na the one nobody pray for. As one resident talk am, “sleep no even finish, problem don start.”

Kaduna Gbasgbos: Catholic Priest Abducted, Lives Cut Short

One of the major shockers for the attack na the abd¥ction of Rev. Fr. Nathaniel Asuwaye, the parish priest of Holy Trinity Catholic Church, Karku, Kaduna. Na inside him residence the attackers strike, carry am along with at least 10 other people go unknown destination.

Apart from the abd¥ction, three residents no survive the attack. The victims na Mr. Jacob Dan’azumi, Mr. Maitala Kaura, and Alhaji Kusari. Their deaths don throw the entire community into mourning, as families and neighbors struggle to understand why this kind tragedy no gree end.

Church members and residents describe Fr. Asuwaye as a calm and dedicated priest, making his abduction even more painful for the community.

Kaduna Gbasgbos:Diocese Confirms, Residents Cry For Help

The Chancellor of the Catholic Diocese of Kafanchan, Rev. Fr. Jacob Shanet, confirm the incident and describe the attackers as terr+rist-like g+nmen wey enter the community in an organised way. According to am, the attackers overpower residents before help fit come from anywhere.

As at now, fear still dey ground, and many residents dey appeal to Kaduna government and security agencies to step up protection for rural communities. People dey ask big questions: how long this kain gbas gbos go continue, and who go protect people when night fall?

For Karku people, this no just another headline — na real-life pain, and dem dey hope say this time, help go come sharp sharp.