Former President Muhammadu Buhari don finally bow out peacefully! as E don Kpai for London

Former president Buhari (say Baba )Don Finally Sign Out for London

Gbas Gbos don land again as former Nigerian President Muhammadu Buhari, don finally waka go meet Baba God for London. Na him former aide, Bashir Ahmad, first break the tori for social media platform X (we we still dey call Twitter). According to Bashir, Baba take him last breath this afternoon for one clinic for London.

As Bashir write am:

“The family of the former president has announced the passing on of the former president Muhammadu Buhari, GCFR, this afternoon in a clinic in London.
May Allah accept him in Aljannatul Firdaus. Amin.”
The tori shock many Nigerians, especially as Baba no too dey show face recently. Plenty reactions don dey fly everywhere online, both from supporters and critics — na normal gbas gbos as usual.

From Military Boot to Agbada: President Muhammadu Buhari (say Baba) No Be Today Man

Before Baba Buhari enter power as civilian president from 2015 to 2023, e don first rule Nigeria with military boot from 1983 to 1985. That time, na “War Against Indiscipline” full ground. If you throw dirt anyhow or late for work, wahala go jam you!

When e later come back wear agbada enter Aso Rock, him carry anti-corruption crusade for head like new wig. Even though people still argue say economy no balance well, Baba no gree shift him ground. E try push for agricultural growth and fight insecurity—even though insecurity sometimes fight back.Love am or hate am, Baba leave strong footprint for Naija political land.

Burial Matter & Final Journey: Wetin We Know So Far

For now, Buhari family never release full gist about burial arrangement, but dem talk say everything go follow Islamic rites. Nigerians dey wait to know whether dem go bring Baba come house or bury am for obodo oyinbo.

As e be now, na prayers full online, especially from people wey sabi say Baba no dey do pass himself. Even opposition people don dey drop tribute, as politics don pause small make everybody show respect.

One thing sure – whether you like beans or pap, Buhari name no go ever commot for Naija political history.

May Baba rest well for Aljannatul Firdaus. Say one prayer, no be fight today.