Fake Doctor Wahala:Ogun State Police Command don nab one 28-year-old serial impostor, Victor Cletus, weh dey waka up and down dey package himself as medical doctor. According to police tori, the guy use this fake doctor format collect money, deceive, and even sexu@lly exploit one young woman weh trust am with her health matter.
As CSP Omolola Odutola drop for press statement, the gbege start after the victim report say one guy wey add am for Snapchat tell am say him be surgeon for Babcock University Teaching Hospital. The babe, wey dey get small health worry, think say she don meet real doctor — she no know say na cleaner wey wan use stethoscope do evil mission.
Snapchat Surgeon Weh No Get License
The whole gbege start when Victor enter the babe DM with “Hello dear, me I be surgeon.” Na so the girl reason say she don meet better helper and yarn am about one lump wey dey her right breast. As she believe the fake credentials, she trust am wella.
From trust, Victor carry am enter premium scam mode. He demand “operation fee” — no receipt, no invoice, no scrubs — just pure packaging. After that, he tell the babe make she come meet am for supposed surgery on 18/11/2025. But instead of surgery, the fake doctor run another kind procedure wey nobody ask for.
Fake Doctor Wahala:Fake Surgery Turn S!lly Agenda
Instead make Victor perform any medical procedure, na sexu@l abuse and fraud he come commit. To add insult join injury, he still waka carry money comot from her Opay account like say na discharge summary.
By next day, the babe don wise small as the fake doctor begin demand more intimacy without any medical test, syringe or even paracetamol. Her head come spark — something no dey add up. She carry phone contact Babcock Teaching Hospital by herself to confirm.
Na that time reality slap am: Victor no be surgeon… he no even be nurse… na cleaner! The kind shock wey hold the girl no be here. Police don put am for custody and investigation dey go front-front.
Fake Doctor Wahala:Police Warn “Online Predators, Una Cup Don Full!”
The Commissioner of Police, CP Lanre Ogunlowo, vex scatter ground for the matter. He call the act wicked, shameful, and one nonsense wahala wey no suppose dey happen for modern society.
The CP warn all these online predators and criminal impostors say Ogun Command no go gree at all. Anybody wey think say internet na playground to deceive, exploit or harm innocent women — police dey come for una.
He also advise young ladies: shine una eyes, no dey trust anybody wey claim “doctor,” “engineer,” or “pilot” for Snapchat. Medical information na serious thing — no dey drop am for any stranger wey get fine profile picture.
Table of Contents
Discover more from OGM News NG
Subscribe to get the latest posts sent to your email.
