Na serious gbege for Bayelsa as one 200-level student carry him own leg enter wahala because of just N300 bet. Bros talk say e fit swim across one big creek, but as e enter, water no gree am come out again. Pipu wey dey around watch, some dey laugh, some dey shout, but before help fit reach am, water don cover di mata.
Di padi dem say na cruise e wan catch, e talk say na small thing, but e no know say di creek no dey play. As e dive enter di water, breeze change, and di strong current no gree am make e reach di other side. Na so di matter take red.
Di student wey dem say dey study for one university for Bayelsa no sabi say N300 go turn to last bet wey e go ever place. Pipu wey dey di scene talk say dem no fit believe wetin dem eyes see. Some dey shout, “No try am!” But bros don already enter inside water.
From Bet to Wahala
Dem talk say di bet na between am and him friends. One of dem talk say di guy don dey boast since say e be fish for water. “E talk say e don do am before, say e no be small pikin for water mata,” di friend yarn. But e be like say di creek no gree for am today.
As e enter di water, dem see say e struggle, but dem think say na part of di show. Before dem know wetin sup, di guy don dey sink. “At first, we think say na joke, na when e no gree come up na im we begin shout,” another friend talk.
Pipu rush go find help, but before dem fit do anything, di water don already carry di guy waka. Dem talk say di place get strong current and e no be di first time person go lost for di creek. Na so cruise take turn to tears.
Authorities Don Chook Mouth
Di police and local divers don enter di mata, dem dey try find di body. Some elders for di area don warn say make pipu no dey use di creek play. “Dis water no be swimming pool, many people don enter, dem no come out,” one elder talk.
Bayelsa state authorities don dey advise students and pipo make dem no dey use dia life do experiment because of small change. “E pain us say young man like dis go just waste because of bet,” one government official talk.
As di search still dey go on, di school management don talk say dem go investigate di mata well. Meanwhile, di guy friends don dey sober, di thing shock dem. “Na just joke we dey joke, we no know say e go end like dis,” one of dem talk, as dem dey reason how N300 take turn to bad market.
Na so di mata take happen. Make we learn say life no get duplicate. If water talk say e no wan play, abeg, respect yasef.
Table of Contents
Discover more from OGM News NG
Subscribe to get the latest posts sent to your email.
